1.Paasissutissanut akisussaasuuvugut – qanoq attavigisinnaavitigut?
ISERIT A/S inuit pillugit paasissutissanik ilinnit tigusimasatsinnik suliarinninnermut akisussaasuuvoq. Attaviginissatsinnut paasissutissat tullinnguupput.
Iserit A/S
Issortarfimmut 1B
Postboks 1539
3900 Nuuk
CVR-nr.: 12227353
Oqarasuaat: 363000
Mail: iserit@iserit.gl
2. Illit pillutit paasissutissat suliarineqarnerannut siunertat inatsisitigullu tunngavissat
Illit pillutit paasissutissat makku siunertaralugit suliarisarpavut:
- Utaqqisut allattorsimaffiannut allatsinneq
- Attartortitsinerup allaffissornikkut suliarineqarnera
Illit pillutit paasissutissat suliarineqarneranut inatsit tunngavigineqartoq:
- Inuit pillugit paasissutissanik suliarinnittarneq pillugu Kalaallit Nunaannut atuutilernissaanut peqqussut 6, imm. 1, nr. 2.
3. Inuit pillugit paasissutissat assigiinngitsut
Paasissutissat ilinnut tunngasut assigiinngitsut makku suliarisarpavut:
- Atit, najukkat attavigineqarnissamut paasissutissat kiisalu normut. Qularnaveeqqusiinissamut taarsisagassarsinissamut illit pillutit aningaasaqarnermut paasissutissat suliarisarpavuttaaq. Kiisalu inissiami najugaqartut allat aqqi cpr. normuilu pillugit paasissutissat najugaqarnermut uppernarsaammiittut suliarisarpavuttaaq najukkami allattorsimasut qassiunersut paasiniarlugit.
4. Tigusisussat tigusisussalluunniit assigiinngitsut
Illit pillutit paasissutissat tigusisussanut makkununnga ingerlateqqittarpavut tunniuttarlugilluunniit:
- Ineqarnermut tapiissutinut atatillugu Kommune. Atit, mobilivit normua immaassinnaasorlu e-mailit sanasunut ingerlateqqittarpavut.
5. Illit pillutit paasissutissat suminngaanneernersut
Illit pillutit paasissutissat ilinnit najugaqarnermulluunniit uppernarsaammit tigusarpavut.
6. Illit pillutit paasissutissanik uninngatitsineq.
Illit pillutit paasissutissat qanoq sivisutigisumik uninngasuutigissanerlugit maannarpiaq oqaatigisinnaanngilarput. Taamaakkaluartoq ilisimatissinnaavatsigit illit pillutit paasissutissat qanoq sivisutigisumik uninngatissanerlugit attartortitsinerup allaffissornertaanut pisariaqassusaat nalilersussagatsigit.
7. Akuersissummik tunuartitsisinnaatitaaneq
Akuersissutit qaqugukkulluunniit tunuartissinnaavat. Attaveqarnissamut paasissutissat immikkoortoq 1-mi allassimasut atorlugit attavigaluta taamaaliorsinnaavutit.
Akuersissutit tunuartissagukku siornatigut akuersissutit tunngavigalugu tunuartitsinerullu tungaanut illit pillutit paasissutissanik suliarinninnerput inatsisinik naapertuinera allanngornavianngilaq. Aatsaat akuersissummik tunuartitsinerit aallarnerfigalugu tamanna atuutilissaaq.
8. Pisinnaatitaaffitit
Illit pillutit paasissutissanik uagut suliarinnittarnitsinnut atatillugu inuit pillugit paasissutissanik suliarinnittarneq pillugu Kalaallit Nunaannut atuutilernissaanut peqqussut naapertorlugu arlalinnik pisinnaatitaaffeqarputit.
Pisinnaatitaaffitit atorusukkukkit attavigisinnaavatsigut.
- Paasissutissanik takunnissinnaatitaaneq
Paasissutissat suliarisavut ilinnut tunngasut allallu paasissutissat arlallit takusinnaavatit.
- Iluarsiisinnaatitaaneq (naqqiineq)
Illit pillutit paasissutissat eqqunngitsut naqqitsissinnaavatit.
- Peersisinnaatitaaneq
Immikkut pisoqartillugu nalinginnaasumik piiaasarnerput sioqqullugu illit pillutit paasissutissat peersissinnaavatit.
- Suliarinninnermik killiliisinnaatitaaneq
Immikkut pisoqartillugu illit pillutit paasissutissat suliarineqarneri killilersinnaatitaavatit. Suliarinninnermik killiliisinnaatitaaguit paasissutissat siunissami suliarissagutsigit – uninngatitsineq minillugu – akuersiteqqaassavatsigit, imaluunniit pisinnaatitaaffitsigut piumasaqaatit aalajangersarnissaat, atuutilersinnissaat illersornissaalluunniit siunertarineqassaaq, imaluunniit inummik inuiaqatigiinniluunniit soqutigisat pingaarutillit illersornissaat siunertarineqassaaq.
- Akerliliissuteqarsinnaatitaaneq
Pissutsini aalajangersimasuni illit pillugit paasissutissanik suliarinninnitsinnut inatsisitigulluunniit suliarinninnernut akerliliissuteqarsinnaatitaavutit. Paasissutissaatitit toqqaannartumik niuerutigineqarnissaannut suliarinninnermut akerliliisinnaavutittaaq.
Datatilsynip nalunaarsimasut pisinnaatitaaffii pillugit siunnersuutaani pisinnaatitaaffitit www.datatilsynet.dk-miittut atuarsinnaavatit.
9. Datatilsynimut (Paasissutissanik nakkutilliivimmut) naammagittaalliorneq
Illit pillugit paasissutissanik suliarinneriaaserput naammaginngikkukku Datatilsynimut naammagittaalliuteqarsinnaatitaavutit. Datatilsynet attaviginiarlugu paasissutissat uani nanisinnaavatit: www.datatilsynet.dk.