Iserit A/S inissiaatinik ingerlatsiviuvoq kommunimit 100%-imik pigineqartoq, Kommuneqarfik Sermersooq sinnerlugu inissianik sulianillu inissianut tunngassuteqartunut ingerlatsiviusoq. Suliffeqarfiup kommunip Paamiuni, Nuummi, Tasiilami Ittoqqortoormiunilu inissiaataanik ingerlatsivoq.

Tamakkua saniatigut suliffeqarfik Kommuneqarfik Sermersooq-mut kiffartuussinernik arlaqartunik, ilaatigut soorlu makuusunik, ingerlatsivoq:

Kommuneqarfik Sermersooq-p aamma Iserit A/S-p siunertaraat suleqatigiinneq suliassatigut kommune-mi innuttaasunut iluaqutaasussatigut annertusarneqassasoq.

• Kommunip inissiaataanik attartortitakkanik annikinnerusumik nutarterinerit

   

• Inissianik nutaanik sanaartornermik sanaartornerni allaffisornikkut ingerlatsineq

   

• Kommunemi sulisunut utaqqiisaasumik inigisanik ingerlatsineq

   

• Inissianik pisineq tunisinerlu

   

• Inuutissarsiornermut atatillugu attartornerik ingerlatsineq

   

• Il. il.

   

   

Siunertarput

Siunertatsigut ingerlatsinermi sullarissuuneq, tatiginartumik aningaasatigut ingerlatsisuuneq, aser-fallatsaalinikkut pitsaasumik ingerlatsineq kiisalu attartortut, inissianik piginnittut, pilersuisut suleqatigisallu allat akornini attaveqaqatigiinneq pitsaasoq kissaatigaagut.

Uvagut isumarput naapertorlugu tamanna pisinnaavoq inissianik ingerlatsiviup najugaqartut akornini inissisimaneratigut taamaalillunilu innuttaasunut sapinngisamik qininnerpaamik akornanniinnikkut kiisalu Kommuneqarfik Semersooq-mik qanittumik suleqateqarnikkut, taannami inissianik piginnittuummat.

Suliatigut piginnaasatigullu qaffasissumik inissisimalluat, suliatitsinnillu tanngasimaaruteqarsinnaalluta siunertaraarput; Attartortut Iserit A/S aqqutigalugu attarfornerminni pitsaasumik misigisaqarnissaat.