Inigisami aaneq
Aaneq tassaavoq ullumikkut inuppassuit ilisimalersimasaat. Aanermik pinngortoqartarnera ajornartorsiutaagaluttuinnalerpoq, minnerunngitsumillu oqallisaagaluttuinnalerluni, ullumikkut tusagassiorfinni sammineqartorujussuanngornikuulluni. Tamatuma kingunerisaanik inissiani najugaqartorpassuit, inigisaminni isugutammik paasisaqarunik tamanna eqqarsaatigeqqaartalerpaat, attartortitsisumut saaffiginnittarput nalunaarutigalugulu najukkaminni aaneqalersimasoq. Ilaatigummi taamaattoqartarpoq, ajoraluartumilli tassaasarpoq nalinginnaasumik isugutak, najukkami naammattumik silaannarissartannginneq imaluunniit silaannalutsitsinermik pissuteqartartoq.
Aaneq qanoq pilersarpa?
Ingerlaannarlugu erseqqissaatigineqassaaq, inissiaq isugutaqarsinnaavoq/isugutassinnaavoq AANEQANNGIKKALUARLUNI. Inissiami aaneq eqqartorneqassappat, inissiap isugutanneranik peqquteqarpoq. Aanerit annertusiartussappata, annertusiartorfissaat isugutattuusariaqarpoq. Aanerit isugutattuni kisimik annertusiartortarput. Imaappoq, illut sannai isugutappata (ass. qaliami illullu saqqaani ussiitsoqarpat, isugutak nunameersoq, isugutaajaatini oqorsaasersorneqanngitsunilu ussiittotaqarneratigut) imaluunniit inini isugutappallaarpat (ass. kiassarneqanngippat, silaannarissarfiit ammatitsillunilu silaannarissartarneq, imaluunniit illup iluani atisanik panersiinermi).
Isugutammik aanermillu pinaveersaartitsineq
Aaneq inissiami nassaassaassanngilaq. Takussaasumik imaluunniit takussaanngitsumik. Taamaattumik attartortuusoq silaannarissaalluartariaqarpoq, inigisaminillu eqqortumik kiassaalluni, taamaaliornikkut aanermik pilersoqannginnissaa pinaveersaartinniassallugu. Uani takuu quppersagaq;
”Silaannarissaagit…” ” Silaannarissaasarit…”, tassani attartortoq inigisamini isugutannaveersaartitsinissaanut aanermillu pilersitseqataanaveersaarnissaanut siunnersorneqarluni ilitsersorneqarpoq. Quppersagaq taanna aamma Iserit A/S-ip allaffiani, Industrivej 2A-mut aaneqarsinnaavoq.
Nammineq inigisami isugutaqarnera qularigaanni, tassani allassimavoq qulakkeerlugu ilisarnaatit suuneri, inigisaq silaannarissarnissamik amigaateqarpat;
- Igalaat iluneq ajortut ilorliit igalaallu nalinginnaasut iluini isugutserneq (naak annertuumik isugutanngikkarluarlutik igalaat issusuunik saagullit tunui isugutassinnaasarput). Taamaattumik saajut inissinneqassapput, silaannaq kissartoq igalaakkut qummut ingerlaarniassammat – saajut igalaallu akornisigut)
- Amusartut matullu matujuminaallippata – taakkua siulii matujuminaanngikkaluarlutik aserujasuuppata
- Tipi nuanniitsoq oqussunnitsoq
- Iikkani silarlerni nillertuni oqummik manngertornitullu ittunik simerneqarpat
- Qisuit nungullutillu oqoqarpata
- Silaannaap isugutanneranik uuttuut nikittarpat
Isugutaqarneranik aaneqarneranillu ilisarnaatit
Naammattumik silaannarissarfeqannginnermi/silaannarissartannginnermilu isugutak annertusisarpoq, isugutallu inigisamut najugaqartumullu ajornartorsiutinngortarpoq. Iikkani qisunnilu isugutaqarpat, taava ajornannginnerusumik nungulersarput aaneqalersarlutillu, taakkulu oquttunngortitsisinnaapput, manngertornilerlutik aammalu inigisaq nuanniitsumik oqussunnitsumillu tipeqalerluni. Aammalu silaannaq isugutappallaarpat pujoralaap uumasuarai aatsaat iluamik amerliartulersarput – pingaartumik siniffinni siniffiillu eqqaanni. Inigisaq isugutattoq taamaattoq siunissami peqqinnissamut akornutaasinnaavoq, allaallu sapigaqalernermik, niaqorluttalernermik anersaartorfitsigullu akornuteqalersitsisumik.
Aanermik suliarinninneq
Aaneqalernerani ersiutit akornusersuutaasinnaapput aammalu nuanniitsumik tipeqalersitsisarlutik peqqinnissamullu akornutaasinnaasunik nassataqartarlutik, taamaattumik aaneqalernerani najugaqartoq paasisaqarniariaruni, attartortitsisoq attavigipallassavaa ajornartorsiummik ikioqqulluni. Taamaalippat attartortitsisup IgloTjek attavigissavaa, taakkulu takuniaanerminni inigisami aaneqalersimaneranik uuttortaassapput – ima taaguutilimmik MycoMeter test. Uuttortaanerup qanoq inerneqarnera nalunaarusiarlu apeqqutaatillugit, aaneqalersimanera aaqqinniarneqassaaq pisariaqartumik suliassanngortinneqartut aallartinnerisigut.
Inigisami aaneqalerneranik malunnartoqalerpat attartortup PINNGITSOORANI isumagissavaa eqqortumik silaannarissartarfeqarneq
”Silaannarissaagit…” Silaannarissaasarit…”, isugutallu aaqqiiffigineqajaanngippat, attartortoq Iserit A/S-imut saaffiginnissaaq, tassannga inigisaq takuniarneqassaaq suliassallu aallartinneqassallutik!
Aajuku inigisami aaneqalersarneq pinaveersaarnierlugu siunnersuutit;
- Ullormut marluk-pingasoriarlutit silaannarissaasarit, illugiissillugit ammarlugit min. 5-10.
- Igalaani, igaffimmi uffarfimmilu ventiilit ammatikkit
- Igalaani isugutaqarpat allarteruk
- Nerisassiornermi igaq matuleruk supoortorlu ikillugu
- Uffartillutit matu matujuk. Uffareeruit allarternermi silaannaq aniatigut
- Uffarfimmi nateq iigarlu ussitsuussapput
- Silaannarissarfiit aqqutaat salittakkit ammatillugillu
- Atisat errortat panersiivimmi silamiluunniit panersikkit
- Pequtit iikkallu nillertut akornat 5 cm ungasissuseqarnissaa isumagiuk
- Angerlarsimaffiit aaqqissuutiguk, eqqiaruminartunngorlugu – inigisami pujoralak aaneqalerneranut tunngaviliisuusarpoq
Vi henter lejligheder fra din søgning....vent venligst.