Illut tuniniakkat

B-1898 Niels Hammekenip aqq. 33 - tamanut neqeroortitsinermi tuniniarneqarpoq

Iserit A/S tamanut neqerooruteqartitsinikkut B-1898 Niels Hammekenip Aqq. 33, Nuuk tuniniarpaa, 1. april 2026 isumaqatigiissuteqarnikkulluunniit tiguneqartussanngorlugu.

B-1898 Niels Hammekenip Aqq. 33 Nuummittoq ilaqutariit ataatsit illuat 1980-mi sanaajulluni 109 m² angissuseqarpoq, sisamanik sinittarfeqarluni.

Illu beton-imik toqqaveqarpoq. Silataa qisunnik assiaquteqarpoq katitikkanik ajoqusersimanngitsoq. Illup saava kingullermik 2020-mi qalipanneqarpoq, aammattaaq qalissiaa illullu sinnera 2013-mi misissorneqarsimallutik. Illu tamanut atuuttumik kloakeqarlunilu naqitsineq atorlugu imeqarpoq.

Illu nammineq oliefyreqarpoq ukioq sananeqarfianeersumik, taannalu silakkoorluni immikkut kiassaateqarfiusumi sisammik pujoorfilimmi inissisimavoq. Naqqup ataani qaarusuusaq (krybekælderi) oqorsaqqitaavoq.

Illup ilua kusanarlunilu paarilluagaavoq, 2009-mi 2013-milu annertuumik iluarsartuunneqarpoq nutaanik natilersorlugu, igaffilerlugu uffarfilerlugu qaliatalu sannaa iluarsartuullugu. Inissiaq sisamanik sinittarfeqarpoq, ini isersimaartarfik, uffarfik pulaartunullu perusuersartarfik. Errorsiveqareerlunilu panersiiveqarpoq, nillartaartitsiveqarpoq qerititsiveqarlunilu. Igalaat ukiut aalajangersimasut iluanni taarserneqartariaqartutut naliligaapput, sulili ussipput. Matu silarleq misissugassaavortaaq. Aneerasaartarfiup eqqaani queqarpoq.

Inissiaq tamakkiisumik nalilerlugu pitsaallunilu isikkuatut itsillugu nutserfigineqariaannaavoq. Iserit A/S-ip nittartagaani assit amerlanerit takuneqarsinnaapput: www.iserit.gl

Pisinermi atugassarititaasut

Inissiaq isikkuatut itsillugu tuniniarneqarpoq. Aserorsimasat saniatigut

tuniniaasoq akisussaaffeqanngilaq. Piserusuttut namminneq akilikkaminnik siunnersortissarsioqquneqarput.

Inissiap pisisup nammineerluni atorsinnaalissavaa, nammineq pigalugu illoqarfiup ilaanut sumiiffimmut pilersaarummi inatsisinilu allani malittarisassat kisiisa killiliisoralugit.

Tunisinermut atatillugu aningaasartuutit tamarmik pisisumit akilerneqassapput, taamaattoq inissiamik pisinermut atatillugu uppernarsaammik suliaqarnermut (10.000 kr.) pisinerullu eqqortuuneranik uppernarsaammik suliaqarnermut eqqartuussissuserisumut aningaasartuutit pisisup tunisisullu naligiimmik avillugit akilissavaat.

Inissiaq takuniarneqassappat tamanna Iserit A/S isumaqatigiissuteqarfigalugu pisinnaavoq:

Ingerlatsinermi Siunnersorti Britta Platou

📧 e-mail: boligsalg@iserit.gl

Allakkatigut neqeroorut danskit aningaasaannik aningaasanngorlugit

akiliutigiumasat taallugit, ateq, najugaq, oqarasuaatip normua aamma peqaruit mail-adresse allanneqassapput uungalu nassiullugit:

Iserit A/S | Postboks 1539 | 3900 Nuuk

Allakkap puuanut kiminngaanneersuunerinik atsiorneqatanngitsumut, taamaallaat ima allannertalimmut:

”B-1898 Niels Hammekenip Aqq. 33 pisiarinissaanut neqeroorut”

Neqeroorutit Iserit A/S-imi tiguneqariissapput kingusinnerpaamik pingasunngorneq ulloq 4. marts 2026.

Neqeroorut pituttuisuuvoq piumasaqaatitaqaranilu aammalu nangaanartoqartitsiffiunani. Pisinermi akigitinneqartussat toqqorneqassapput

imaluunniit qularnaveeqquserneqassapput tuniniaasup akuersineranit  kingusinnerpaamik ullut tallimat qaangiunerani. Pisisuminngaanniit

akilerneqassaaq aningaaserivimminngaanniit aningaasartuut toqqorsinermi sullinneqarnermut akiliut.

Inissiaq B-1898 Niels Hammekenip Aqq. 33, Nuummi tuniniarneqarpoq amerlanerpaanik piumasarisanullu naleqquttunik akiliuteqarusuttunut.

Iserit A/S neqeroorutit tiguneqartut tamaasa itigartissinnaanissaannut pisinnaatitaavoq.