Aap, tamanna ajornanngilaq.
Taamaallaat attartukkap nuuffiginerani qaqugu misissortikkiartussanerlugu attartukkap taamaatinnera pillugu immersuininni allannissaa isumagiinnassavat.
Inigisaq qimallugu nuunnermi nakkutilliineq
Inissiamik attartuinerit taamaatikkukku nuunnermi nakkutilliisoqarnissaanut ullulimmik mailikkut allakkatigulluunniit nalunaarfigineqassaatit.
-
Iserit A/S-imi nakkutilliisup inissiaq misissussavaa.
-
Nakkutilliisoq misissuinermi nalunaarusiussaaq, nalunaarusiarlu taanna ilinnit nakkutilliisumiillu atsiorneqassaaq.
-
Nammineerlutit peqataasinnaanngikkuit inummut allamut pisinnaatitsissummik tunniussillutit peqataatitsisinnaavutit.
Nalinginnaasumik iluarsartuussineq
Attartortutut nammineerlutit nalinginnaasumik iluarsartuussinissat isumagissavat.
-
Suliaq eqqortumik suliarineqassaaq.
-
Nammineerlutit isumagerusunngikkukkit nooreernerpit kingorna Iserit A/S-imut isumagitissinnaavatit. Aningaasartuutit qularnaveeqqusissummit ilanngaatigineqarlutik akilerneqassapput.
-
Nammineerlutit iluarsartuussiguit Iserit A/S-ip iluarsartuussinermi maleruaqqusai nalinginnaasut malillugit iluarsartuussissaatit.
Malugiuk
Attartortutut attartornerup nalaani aserfallatsaaliinissamut pisussaaffik malissimanngikkukku, attartugaq sumiginnarneqarsimasutut isigineqassaaq. Taamaattoqartillugu Inissianik attartortitsisarneq pillugu Inatsisartut peqqussutaat nr. 2, 12. maj 2005-meersumi § 78 naapertorlugu nuunnermi ilanngaatiginissaanut pisinnaatitaaffeqarfigineqassanngilaq.
