Iserit A/S-imut allatsinnermut atatillugu niuernermut piumasaqaatit atuuttut makkuupput.
Allatsinnermi malittarisassat
15-ileereersimaguit utaqqisut allattorsimaffiannut allatsissinnaavutit.
Aatsaalli 18-ileereeruit initaarsinnaavutit, ilaatigut attartornermut isumaqatigiissutip atsiornissaanut oqartussaassuseqartariaqaravit.
Aki
Inissarsiortutut utaqqisut allattorsimaffiannut allatsinneq ukiumut 75 kr.-inik akeqarpoq*. Tamanna inissiamut nalinginnaasumut ilaasortatut allatsissimasunut atuuppoq.
*Kingusinnerusukkut akinik allannguisinnaaneq maluginiaqquneqarpoq.
Akiliut
Iserit.gl-ikkut kort-imik akiliuteqarnermi QuickPlay isumannaatsumik akiliinissannut qularnaarisoq atorneqassaaq.
QuickPlay pillugu paasissutissat allat www.quickplay.dk-mi atuarsinnaavatit.
Betalingsservice-mut ilanngunnissamut paasissutissatut atugassat akiliutigisassatut kort-imiipput.
Inissarsiortutut utaqqisut allattorsimaffiannut akiliuteqanngikkuit utaqqisut allattorsimaffiannit peerneqassaatit, taamaalillutit ilaasortatut utaqqininni sivisussuseq annaassavat. Utaqqisut allattorsimaffiannit peerneqareernerpit kingorna akiliuteqaruit utaqqisut allattorsimaffianni aallaqqaataaniit aallartissaatit, taamaalillutit ilaasortatut sivisussusermik aallaqqaataaniit katersinialissallutit.
Nuussimaguit najukkavit nutaap nalunaarutiginissaa pingaaruteqarpoq, tassami utaqqisut allattorsimaffiannut ukiumut akiliut Iserit A/S-imit nassiunneqarsinnaaniassaaq.
Uppernarsaat
Inissarsiortutut utaqqisut allattorsimaffiannut pilersitsinikkut allatsikkuit, allatsinninnut uppernarsaat isissutissamullu paasissutissat e-mailikkut ilinnut nassiunneqassapput.
Utaqqisut allattorsimaffiannut allatsinnermi utertitsisinnaaneq
Utaqqisut allattorsimaffiannut allatsissimanerit taamaatiinnarusukkukku utertinnissaanut ullut 14-it iluini periarfissarivatit, utertitsinermi akiliutigisatit ilinnut utertinneqassapput.
Akiliutigisavit utertinnissaanut imaaliussaatit:
- Iserit A/S-imut e-mailikkut imaluunniit atsiukkamik allagaqarlutit nassiussissaatit, tassanilu allassavat utaqqisut allattorsimaffiannut allatsissimanerit taamaatiinnarlugu.
- Saaffiginnissummi ilaasortaaninnut normut kiisalu atit aamma najukkat allassavatit.
- Registreringsnormut aamma kontonormut ilisimatitsissutigissavatit akiliutigisatit Iserit A/S-imit utertinneqarsinnaaniassammata.
Utaqqisut allattorsimaffiannut allatsillutit akiliininniit kingusinnerpaamik ullut 14-it qaangiuppata paasissutissat siuliani taaneqartut Iserit A/S-imit tiguneqarsimappata, akiliutigisatit Iserit A/S-imit toqqaannartumik kontonnut ikineqassapput allatsissimanerillu peerneqarluni.
Utaqqisut allattorsimaffiat
Akiliutigisat Iserit A/S-imi tiguneqarlunilu nalunaarsorneqareerpat, utaqqisut allattorsimaffiannut ilanngunneqassaatit. Aamma utaqqisut allattorsimaffianniinnerit unitsikkallarsinnaavat – taamaalioruit inissannik neqeroorfigineqartassanngilatit. Utaqqisut allattorsimaffianniinnerpit unitsikkallarnera qaqugukkulluunniit atuutseqqilersinnaavat.
Inunnut paasissutissat
Utaqqisunut allatsinnermut akiliinermullu atatillugu paasissutissanut iserit.gl-imut allattugarnut Iserit A/S akisussaasuuvoq. Paasisaqarnerorusukkuit paasissutissat pillugit politikkerput takuuk.
Initaarnissamut utaqqisunut allatsikkuit illit pillutit paasissutissat qinnuteqarnernut atatillugu allattukkatit uatsinnit nalunaarsorneqarnissaat katersorneqarnissaallu akuerissavat, kiisalu paasissutissat inunnut tunngasut pillugit inatsit naapertorlugu paasissutissat ilinnut tunngasut sorliit nalunaarsorsimanerivut paasisinnaatitaavatit.
Paasissutissat inissarsiortutut nalunaarsorniarlutit inissiamillu neqeroorfiginiarlutit pisariaqarput. Taassuma saniatigut paasissutissat utaqqisuniinnermi akiligassap ukiumoortup nassiunnissaanut atortarpavut, taannalu utaqqisuniissimanerup sivitsornissaanut aalajangiisuuvoq.
Illit pillutit paasissutissanik ilanngussinikkut makku akuerissavatit:
- Inuit pillugit paasissutissat atuarsimagitit paasisimallugillu
- Paasissutissat immersukkatit ilumoortuusut unneqqarillutillu eqqortuusoralugit. Matumani paasivattaaq paasissutissat imminnut naapertuutinngippata allatsinneq akuerineqanngissinnaasoq nalilersorneqanngissinnaasorluunniit.
3. Namminneq kiffaanngissuseqarnikkut akuersisutit paasissutissaatitit katersorsinnaagivut atorsinnaallugillu.
Paasissutissaatinnik suleqatitsinnut attartortitsinermi allaffissornikkut suleqataasunut allanullu suliarinninnermi ikiutaasunut avitseqateqarsinnaavugut. Matumani pisortani oqartussat ilanngullugit. Iserit A/S-ip paasissutissaatitit niuernissamut siunertaqartunut atornavianngilai, matumani pilerisaarutitalinnik e-mailinik nassuissineq ilanngullugu, tamanna akueralugulu qinnutigisimanngikkukku.
Iserit A/S-ip paasissutissat inatsit naapertorlugit, assersuutigalugu naatsorsornissamut siunertaqartunut, uninngatinneqartussat inissiaq pillugu suliap naammassinissaata tungaanut piffissamilu tullinnguuttumi paasissutissaatitit pisariaqartissorigutsigit peernavianngilai. Maannarpiaq oqaatigisinnaanngilarput paasissutissat qanoq sivisutigisumik uninngatissanerivut, kisianni paasissutissat piiaarneqassanersut isummertarpugut.
Nalunaarsuinerit taakku paasissutissanik pissarserusukkuit Iserit.gl-ikkut attavigisinnaavatsigut.
E-mail: iserit@iserit.gl
Telefon nr.: +299 36 30 00
Oqarasuaatip ammasarfii uani takusinnaavatit