ℹ️ Iserit A/S-imi inissarsiortutut allatsinnermi paasissutissat
Matumani initaarnissamut allatsinneq, akit kiisalu paasissutissat inummut tunngasut qanoq isumagineqartarnersut paasisaqarfigisinnaavatit.
📝 Allatsinnermi malittarisassat
Ulloq taanna 15-liiguit inissarsiortutut allatsissinnaavutit.
Attartortuussaguilli inersimasuullutillu attartornissamut isumaqatigiissuteqarsinnaanerit piumasaqataammat, 18-leereeruit aatsaat inissiamik neqeroorfigineqarsinnaavutit.
💰 Allatsinnerup akia
Initaarnissamut utaqqisuniinneq ukiumut 75 kr.-nik akeqarpoq.*
Tamanna inissianut nalinginnaasunut utaqqisuniinnermut kissaatigisamillu nuunniarnermut atuuppoq.
* Kingusinnerusukkut akinik allannguisinnaaneq maluginiaqquneqarpoq.
💳 Akiliineq
Allatsinnermi akiliut kortimik akiliissutaasartumik akilerneqassaaq, matumanilu QuickPay isumannaatsumik akiliinissamut qularnaarisoq atorneqartarpoq.
QuickPay pillugu paasissutissat allat ugguuna atuarsinnaavatit: www.quickpay.dk
Akiliiffissami Betalingsservicemut ilanngussinnaatit – taamaanngippat akiliiffissannik tigusaqartassaatit.
MALUGIUK: Inissarsiortutut utaqqisuniinnermut akiliut akilinngikkukku utaqqisut allattorsimaffiannit peerneqarlutillu utaqqisuni inissisimaffiit annaassavatit. Kingusinnerusukkut akileeqqikkuit aallaqqaataaniit aallartissaatit.
Nuussimaguit najukkavit nutaap nalunaarutiginissaa pingaaruteqarpoq – taamaaliuornikkut utaqqisut allattorsimaffiannut ukiumut akiliut Iserit A/S-imit nassiunneqarsinnaaniassaaq.
🧾 Uppernarsaat
Utaqqisutut allatsereeruit e-mailikkut uppernarsaammik isissutissartalimmik nassissavatisigit.
↩️ Utaqqisutut allatsinnermi utertitsisinnaaneq
Utaqqisutut allatsissimanerit taamaatiinnarusukkukku utertitsinissannut ullut 14-it periarfissarivatit.
Akiliutitit utertinniarukkit mailimik imaluunniit allakkamik atsiornertalimmik Iserit A/S-imut nassiussissaatit paasissutissat makku ilanngullugit:
- Atit, ilaasortaanermut normu najukkannullu adresse.
- Akiliutit utertinnissaannut registreringsnormut aamma kontonormut
Akiliininniit ullut 14-it qaangiutsinnagit nalunaarfigigutsigut akiliutitit utertillugillu allatsinnerit piissavarput.
🗂️ Utaqqisut allattorsimaffiat
Akiliutigisat tigugutsigu utaqqisut allattorsimaffiannut ilanngunneqassaatit.
Nammineerlutit inissarsiortutut inissisimanissat imaluunniit allattorsimaffimmiinnerit unikaallatsikkusunnerlugu aalajangissavat.
Utaqqisut allattorsimaffianniinnerit qaqugukkulluunniit atuutseqqilersinnaavat.
🔐 Inunnut paasissutissat
Allatsikkuit Iserit A/S-ip paasissutissanik katersillunilu isumaginnissinnaanera akuerissavat.
Tamanna nalunaarsuinitsinnut, neqeroorsinnaanitsinnut utaqqisumiinnermilu akileeqqusinissatsinnut pisariaqarpoq.
Paasissutissaatitit malittarisassat atuuttut naapertorlugit isumagissavagut.
Paasissutissat pillugit politikkerput takuuk.
Inissarsiortutut allatsinnermi makku akuerissavatit:
- Paasissutissat pillugit politikki atuarsimagitit paasisimallugillu
- Paasissutissat immersukkatit eqqortuusut
- Inissianik attartortitsisartutut suliaqarnitsinni paasissutissaatitit atorsinnaagigut
Paasissutissat sulisunut attuumassutilinnut, suleqatigisartakkanut oqartussanullu taamaallaat ingerlateqqissinnaavagut.
Paasissutissaatitit nittarsaassinermut atornavianngilagut akuersiteqqaartinnak.
Paasissutissat pisariaqartillugu taamaallaat uninngasuutigisarpagut – soorlu assersuutigalugu naatsorsuinitsinni imaluunniit inissarsiortutut nalunaarsoqqaninni.