Utaqqisut allattorsimaffiat akiliuteqarnerlu

Iserit A/S-imi utaqqisut allattorsimaffiat ima aqunneqarpoq

Inissiat attartortittakkat pillugit Inatsisartut Peqqussutaanni 12. maj 2005-meersumi maleruagassat malillugit inissianut utaqqisut allattorsimaffiannut ilaasortanngortitsisarpugut.

Inissiaq najugarineqarunnaarsimasoq ima tulleriinnilersuilluni innersuunneqartarpoq:

1. Iluarsartuussisoqartillugu/nutarterisoqartillugu inisseeqqinneq
2. Attartortut najukkaminnik pisinissamik kissaateqanngitsut
3. Siusinnerusukkut initaartinneqarnissamik qularnaveeqqusiivigineqarsimasut
4. Aapparisamut toqukkut qimagaasumut atorfimmut aalajangersimasumut inigitinneqartumik qimatsinissaanut atatillugu innersuussineq
5. Aapparisamut toqukkut qimagaasumut inimik innarluutilimmut immikkut aaqqissugaasumik tunniussaasimasumillu qimatsinermut atatillugu innersuussineq
6. Siunertanut aalajangersimasunut inniminnigaasut, tak. Imm. 3
7. Sullissivinni sulisunut inissamut normumik atorneqanngitsumik pigisaqartunut
8. Kommunimi isumaginninnermi inissaqartitsinissamut atugassat
9. Nammineq kissaatigalugu nuunniartunut atugassat, tassunga ilanngullugu inigisanik paarlaannerit
10. Utaqqisut allattorsimaffianni nalinginnaasumik allatsissimasunut

Allattorsimaffimmi inissisimaffiit

Ulloq allatsiffiit kiisalu qinnuteqartut allattorsimaffiup tulleriiaarneqarnerani qaffasinnerusumik inissisimasut amerlassusaat apeqqutaallutik allattorsimaffimmut inissinneqassaatit. Taamaammat piffissap ingerlanerani inissisimanerit nikerarsinnaavoq.

Qinnuteqaruit allattorsimaffimmi tamarmi inissisimaffiit pillugu, aamma qinnuteqartunut tulleriiaarinermi qaffasinnerusumik inissisimasunut naleqqiullugu, ilisimatinneqassaatit.

Utaqqineq

Inissiamik neqeroorfigineqarnissamut utaqqineq tulleriiaarinermi inissisimanerit, allattorsimafimmi inissisimanerit kiisalu inissiat inueruttut amerlassusaat apeqqutaatillugit sivisussuseqassaaq.

Utaqqisut allattorsimaffiannut akiliut

Iserit A/S-imi utaqqisut allattorsimaffianniittut tamarmik ukiumoortumik 75 kr.-nik akiliuteqartassapput. 

• Akiliut januaarip aallaqqaataaniit decembarip 31-annut atuuppoq 

• Ukiup siuliani decembarip 31-anni akiliiffissaq kingulliusarpoq 

• Akiliinikkut utaqqisut allattorsimaffianni nalunaarsukkatut inissisimaannarusunnerit uppernarsassavat 

• Utaqqisut allattorsimaffianni allassimajunnaarusukkuit akiliinngiinnassaatit - taava peerneqarumaarputit. 

• Akiliinngitsooruit utaqqisut allattorsimaffianni inissisimanerit annaasinnaavat. 

*Iserit A/S-mi sullitarivagut utaqqisuni allatsissimasut allattorsimaffii, innersuussinerillu inissianik. Taakku ingerlanneqarlutik inissianik attartortitsisarneq pillugu Inatsisartut peqqussutaat naapertorlugu.