Skip til hoved indholdet

Pisiortortarnermut immikkoortortaqarfik nutaaq

Uterit

Asasavut Iserit A/S-imut kiffartuussisut

 

Iserit A/S-ip pisiortortarnermut immikkoortortaq allilileruttorpaa taamaammallu COMDIA-p suleqatigineratigut, Kiffartuussisunut isaaffimmik pilersitsinissani sulissutigileruttorpaa, tassani suliassaativut tamaasa suliariumannittussarsiuussinermut isaaffik aqqutigalugu suliariumannittussarsiuunneqartalissapput.

Isaaffik taanna aqqutigalugu kiffartuussisunik toqqaanerup ersarinnerulernissaa aamma assassorlutik suliaqartartut akigititamikkut unammilleqatigiinnerunissaat Iserit A/S-imit neriuutigineqarpoq. Iserit A/S-imi aserfallatsaaliinermi iluarsartuussinermilu suliakkerneqarsinnaajumallutit illit suliffeqarfiit COMDIA-mi assassorlutik suliaqartartut allattorsimaffianniissaaq.

 

www.comdia.gl-imi ”suliffeqarfiup/kiffartuussisup namminersortup” toqqarneratigut suliffeqarfivit ilisarititsissutaanik pilersitsinikkut Iserit A/S-ip suliassanik suliniutinillu suliariumannittussarsiuussaanik kiffartuussisutut/suliffeqarfittut neqeroorsinnaavutit.

 

Sumi ilisarititsissutitaassavit?

Quppernermi matumani isertaat ”Akeqanngitsoq” toorussiuk kiffartuussisut ilisarititsissutitaarnerat akeqanngilaq:

https://www.comdia.gl/Site/Public/shop/productlist.aspx

 

Isertaammik pilersitsisinnaajumallutit CVR nr.-it e-mailillu atussavatit.

Kiffartuussisunut allattorsimaffiit sumi nassaarissavakka?

Comdiami isertaammik pilersitsereeruit Iserit A/S-ip kiffartuussisunut allattorsimaffiat uani takusinnaassavat: https://www.comdia.gl/iserit/offentligleverandoer.aspx

 

Taamaammat Comdia aqqutigalugu Iserit A/S-ip aserfallatsaaliinermi iluarsartuussinermilu suliassanik tamanik suliariumannittussarsiuussilluni aallartinnginnerani inuussutissarsiummik ingerlataqartut tamarmik soqutiginnittut isaaffimmi nalunaarsornissaannut Iserit A/S kajumissaarivoq.


Kiffartuussisunut allattorsimaffimmi CVR nr.-imi suliffeqarfittut ataasiinnarmik isertaammik peqartoqaqqusaavoq. CVR: nr. CVR nr.-imi ataatsimi arlalinnik isertaammik pilersitsiniarsarinermi isertaat ataasiinnaq akuerineqarumaarpoq.

Apeqqutissaqarpit?