Iserit A/S Nuummi Business Controllerissarsiorpoq
|
Iserit A/S-imi suliat aningaasaqarnermut misissueqqissaarnermullu tunngasut nukittorsarusuppagut, taamaammat Nuummi allaffitsinnut misilittagalimmik Business Controllerimik pissarsiorpugut. Atorfiup suliassartai tamatigoortuullutillu unammilligassartaqarluartut inuttut suliatigullu ineriartuutaalluarsinnaapput. Tamatuma saniatigut pimoorussilluartunik suliffeqarfiullu ineriartorneranut sunniuteqarluartunik suleqateqassaatit.
__________________________________________________________________
Nuummi Tasiilamilu atorfeqartut tunniusimasut 35-uvugut. Immikkoortortaqarfiit akornanni qanimut suleqatigiippugut, taamaammat namminersorsinnaassusilimmik kiisalu suliassaqarfimmi allanngorarfiusinnaasumi suleqatigiilluarnissamik siunersiueqateqarnissamillu pingaartitsisumik suleqatissarsiorpugut.
Suliassatit pingaarnerit makkuussapput:
- Misissueqqissaarneq pitsaassutsimillu qulakkeerinninneq
- Nalunaarusiortarnermik ineriartortitsineq isumaginninnerlu
- ERP-systemimut tunngatillugu misissueqqissaarneq kiffartuussinerlu
- Aningaasaqarnermi aqutsinermut suleriutsinullu pitsanngorsaataasinnaasunik siunnersuusiorneq
- ERP-systemimik digitaliseriinerup automatiserinerullu ingerlaannarnissaanut suleqataaneq
- Kisitsisit atorlugit suliaqarneq nalunaarusiornerlu
- Assigiinngitsunik misissueqqissaarnerit pisortanullu nalunaarusiornerit
Takorloorparput makkuninnga piginnaasaqartutit:
- Atorfimmut naleqquttumik ilinniagaqartutit (Cand. Merc., HD(R) assingusumilluunniit)
- Assingusumik atorfeqarlutit misissueqqissaarnermik, nalunaarusiornermik paasissutissanillu katersinermik misilittagaqartutit
- Digitaliserinermik soqutigisaqarlutillu ajornanngippat ERP-systeminik automatiserinermik misilittagaqartutit
- Excelimik aammalu Querymik atuinermik misilittagaqarluartutit
- Kalaallisut qallunaatullu oqalussinnaallutillu allassinnaasutit
Inuttut piginnaasatit:
Ilakkuminartuuvutit, nuannaartuuvutit, misissueqqissaarnissamik pingaartitsisuullutillu annikitsualunnik takunnillaqqissuuvutit. Ersarissumik attaveqarsinnaallutillu aaqqiissutinut pitsaasunut tappissuuvutit. Aaqqissuulluakkamik sulisinnaassuseqarlutillu ulapaartillutit eqqissisimasinnaavutit. Namminersorlutit sulineq nuannaraat, aammattaarli suleqatigiinni suliffeqarfimmilu suleqateqarneq pingaartippat. Paasissutissat ajornakusoortut paasiuminarsarsinnaallugillu piffissaagallartillugu iliuuseqartartuuvutit, iluarsiissutissanik ujartuisuuvutit pitsanngorsaataasinnaasunullu tappissuullutit. Pitsaassuseq ineriartortitsinissarlu pingaartillugit sulisinnaallutillu suleqatitit qanimut suleqatigalugit suleriutsinik pitsanngorsaaqataasinnaavutit.
Neqeroorutigaavut:
- Suliffeqarfik suliffigissallugu pilerinartoq, suliassatigut ineriartornartoq suleqatillu tunniusimasut
- Atorfik akisussaaffeqarfiullunilu namminersorfiusoq inuttut suliatigullu unammillerfiusinnaasoq
- Piginnaasatigut ineriartornissamut periarfissaqarluarneq
- Piginnaasatit naapertorlugit akissarsiat soraarnerussutisiaqalernissamullu aaqqissuussineq
- Malittarisassat qaqugukkulluunniit atuuttut malillugit inissaqartitaaneq
Ulloq 1. januar 2026 atorfinitsitsisoqassaaq isumaqatigiissuteqarnikkulluunniit. Suleqatissarput eqqortoq utaqqisinnaalluarparput.
Apeqqutissaqarpit? Uunga saaffiginninnissannut tikilluaqqusaavutit:
Controllingimi, Qarasaasialerinermi Ineriartortitsinermilu Aqutsisoq, Ivalo Egede
📞 +299 36 30 06
📧 job@iserit.gl.
Qinnuteqaatit kingusinnerpaamik sapaammi novembarip 23-anni 2025 uunga nassiutiguk:
Iserit A/S
Postboks 1539
3900 Nuuk
Mail: job@iserit.gl
(Qinnuteqaat qulequtseruk "Business Controller, Nuuk")
Kajumissaarneqanngitsumik qinnuteqarneq
Suliffigisassattut kissaatigisannut naleqquttumik atorfimmik peqanngippat kajumissaarneqanngitsumik qinnuteqaatit tigukutsoorsinnaavarput.
Kajumissaarneqanngitsumik qinnuteqaatinnut inuunermi taasassat (CV), ilinniarsimanermut pikkorissarsimanermullu uppernarsaatit kiisalu uppernarsaatit allat attuumassuteqartut ilanngullugit job@iserit.gl –imut allakkatigulluunniit uunga nassiutikkit:
Iserit A/S
Issortarfimmut 1B
Postboks 1539
3900 Nuuk
Atorfinnik inuttassarsiuussigaangatta maannga ikkussisarpugut.
*Atorfik inuttassarsiuunneqartoq soqutigigukku piginnaaninnullu naleqquppat inuunermi taasassat (CV), ilinniarsimanermut pikkorissarsimanermullu uppernarsaatit kiisalu allat attuumassuteqartut qinnuteqaammut ilanngullugit nassiutikkit.