Naammagittaalliuuteqarnissamut ilitsersuut
Inissiarsuarmi najugaqartut allat eqqarsaatigalugillu namminiussuseqarsinnaasariaqarpoq.
Eqqartueqatigeeqqaarneq
Affarlerisat imaluunniit inissiarsuarmi najugaqartoq alla pillugu ajornartorsiuteqaruit, pineqartumik oqaloqateqaqqaarnissat kaammattuutigaarput. Amerlanertigut pissusilersuutsit allanut akornutaaneri sianigineqarneq ajorput. Aaqqiagiinnginnerit amerlasuut eqqartueqatigiinnikkut qaangerneqarsinnaasarput.
Ima iliorlutit naammagittaalliussaatit
- Naammagittaalliuutit tamatigut allaganngorlugit uunga nassiunneqartassapput: iserit@iserit.gl
- Ersarissumik nassuiaallutillu pineqartut aqqi adressiilu allakkit.
- Ornigullutit sianerlutilluunniit saaffiginnikkuit naammagittaalliuutivit allaganngorlugu nassiunnissaanik qinnuigineqassaatit. Immikkut ittumik pisoqartillugu ineqarnermut siunnersorti allagaqaqqusinngikkaluarluni suliamik tigusisinnaavoq.
Inatsisinik unioqqutitsisoqartillugu
Suliaq persuttaanermut, siorasaarinermut imaluunniit allatigut inatsisinik unioqqutitsinermut tunngappat nammineerlutit politiinut unnerluutiginnissaatit.
Naammagittaalliuut ima suliarisarparput
- Ineqarnermut siunnersortip suliaq nalilersoriarlugu aallartippagu ilisimatissavaatit.
- Illuatungeriit oqaloqatigiinnissamut aggersarneqarsinnaapput, tamanna aaqqiagiinngissummik iluarsiinissamut aqqutissaasinnaappat.
- Suliat tamarmik immikkoortillugit suliarineqartarput. Inatsimmik imaluunniit najugaqartunut maleruagassanik sisamariarluni unioqqutitsisimagaanni inissiaq attartugaq atorunnaarsinneqarsinnaavoq.
- Naammagittaalliuutit ukiup ataatsip kingorna pisoqalisarput.
Aalajangiineq isumaqatiginngikkukku
Iserit A/S-ip aalajangiinera, suliamik isumaginninnera imaluunniit siunnersuinera isumaqatiginngikkukku, suliaq Nunatta Eqqartuussivianut ingerlateqqinneqarsinnaavoq. Attartortup nammineerluni aningaasartuutaasinnaasut akilissavai.
