---
title: "Inissiat nutaat pilersaarutaasumit siusinnerusukkut naammassineqarput"
description: "Iserit A/S Kommuneqarfik Sermersuumi nutaanik inissialiornernik ineriartortitseqqippoq. Nuummi Kongevejimi sanaartorneq pilersaarutaasumit siusinnerusukkut naammassineqarpoq, sanaartukkallu allat pilersaarutit malillugit ingerlapput."
date: "2026-10-21"
created: "2026-10-21"
---

[Hjem](https://www.iserit.gl/)

                    [Iserit A/S-imiit nutaarsiassat kingulliit](https://www.iserit.gl/iserit-as-imiit-nutaarsiassat-kingulliit)

                [Inissiat nutaat pilersaarutaasumit siusinnerusukkut naammassineqarput](https://www.iserit.gl/iserit-as-imiit-nutaarsiassat-kingulliit/inissiat-nutaat-pilersaarutaasumit-siusinnerusukkut-naammassineqarput)

# Inissiat nutaat pilersaarutaasumit siusinnerusukkut naammassineqarput

### Iserit A/S Kommuneqarfik Sermersuumi nutaanik inissialiornernik ineriartortitseqqippoq. Nuummi Kongevejimi sanaartorneq pilersaarutaasumit siusinnerusukkut naammassineqarpoq, sanaartukkallu allat pilersaarutit malillugit ingerlapput.

 **** ![](https://www.iserit.gl/i/MOLIRIMEDIA/a7ea6776-a5f5-4635-bc1a-08df2f4973b7?width=800)

Nuummi Kongevejimi inissiat nutaat 148-t septembarimi 2026-mi naammassineqarput – tassa 2027-mi aasakkut naammassinissaat pilersaarutaagaluartoq, ukiup ataatsip missaa sioqqullugu naammassipput. Najugaqartussat kingulliit oktobarip 15-ianni isertersinnaasimapput.

Siulersuisut kingullermik ataatsimiinneranni Iserit A/S-ip sanaartugaasa pitsaasumik ingerlanerat naammagisimaarluarneqarpoq. Sanaartornermi kvadratmeterimut aningaasartuutit ataatsimut isigalugit missingersuutigineqartunit appasinnerupput.

**Suli inissianik nutaaliortoqarpoq**

Tasiilami inissiat nutaat 14-it sanaartorneqarput. Inissiat siulliit arfineq-marluk marsimi 2027-mi naammassinissaat naatsorsuutigineqarpoq, sinnerilu arfineq-marluk 2027-p qiteqqunnerani piareernissaat pilersaarutaalluni.

Tamatuma saniatigut Paamiuni inissialiornissamut pilersaarutit piareersarneqarnerat ingerlaannarpoq, Nuummi blokkit M, N aamma O iluarsaalluinnarneqarnerat aamma pitsaasumik ingerlalluni.

**Inissianik pisariaqartitsineq annertuvoq**

Inissiat nutaat sukkasuumik attartortinneqartarput, tamannalu inissianik pisariaqartitsinerup suli annertuneranut takussutissaavoq.

Taamaattumik Iserit A/S Kommuneqarfik Sermersuumi sanaartornerit maanna ingerlanneqartut ingerlateqqippai, peqatigisaanillu siunissami inissialiornissamut piffissamut ungasinnerusumut pilersaarusiornissamut periarfissanik misissuisarluni.

            https://www.iserit.gl/iserit-as-imiit-nutaarsiassat-kingulliit/inissiat-nutaat-pilersaarutaasumit-siusinnerusukkut-naammassineqarput

            https://www.iserit.gl/iserit-as-imiit-nutaarsiassat-kingulliit/iserit-as-imi-sulisut-pingajorarterutingajaat-ukiuni-qulini-amerlanerniluunniit-sulisimapput

            https://www.iserit.gl/iserit-as-imiit-nutaarsiassat-kingulliit/tuujummi-suliniutip-naammassineratigut-inissiat-nutaat-148-t-piareerput

            https://www.iserit.gl/iserit-as-imiit-nutaarsiassat-kingulliit/iserit-as-ip-tasiilami-ittoqqortoormiinilu-inuusuttunut-inissiat-12-it-akisussaaffigilerpai

            https://www.iserit.gl/iserit-as-imiit-nutaarsiassat-kingulliit/tasiilami-14-nik-nutaanik-inissialiorneq-ingerlalluarpoq

            https://www.iserit.gl/iserit-as-imiit-nutaarsiassat-kingulliit/iserit-as-imi-nammineq-kiffartuussissut-nutaaq

            https://www.iserit.gl/iserit-as-imiit-nutaarsiassat-kingulliit/tasiilami-nutaanik-inissialiortoqalerpoq

            https://www.iserit.gl/iserit-as-imiit-nutaarsiassat-kingulliit/tuujummi-pilersaarut-dgnb-mit-soelvinnatsinneqarpoq

            https://www.iserit.gl/iserit-as-imiit-nutaarsiassat-kingulliit/nuukullak-3-mi-najugaqartunut-allagaq

            https://www.iserit.gl/iserit-as-imiit-nutaarsiassat-kingulliit/innaallagissamut-aqqusersuisoqaleruttorpoq