FAQ – Apeqqutit apeqqutigineqakulasut

Apeqqutit akissutaallu

• Naafferartumik akilersuinissamik isumaqatigiissut

  Ineqarnermut akiliutip naafferartumik akilersornissaanut isumaqatigiissusiortoqarsinnaava?

  Naamik, ineqarnermut akiliutip naafferartumik akilersornissaanut isumaqatigiissusiortoqarsinnaanngilaq, kisianni najugaqartutut akiligassavit naafferartumik akilersornissaanut isumaqatigiissusiorsinnaavutit.

  Paasisaqarnerorusukkuit iserit@iserit.gl-imut allassinnaavutit, imaluunniit ammanerup nalaani 36 30 00-imut sianersinnaavutit.

• Utoqqaassuseq

  Utaqqisut allattorsimaffiannut allatsinniaruma qassinik ukioqassaanga?

  15-ileereersimaguit utaqqisut allattorsimaffiannut allatsissinnaavutit. Aatsaalli 18-iliiguit ilaasortanngorsinnaavutit.

• Inigisanik paarlaanneq/Kissaatigisamik nuunneq

  Paarlaaqatissarsiorsinnaavunga/Kissaatigisannik nuunnissamut qinnuteqarsinnaavunga?

  Aap, inissiamut anginerusumut mikinerusumulluunniit nuunnissat kissaatigigukku arlalinnik periarfissaqarpoq.

  Aajuku periarfissat:

  - Iserit A/S / A/S INI aqqutigalugu nalinginnaasumik inissiami allamik attartortumik paarlaaqateqarneq.

  - Iserit A/S aqqutigalugu sulininnut atatillugu inigisaqaruit Iserit A/S aqqutigalugu allamik sulinerminut atatillugu inigisalimmik paarlaaqateqarneq.

  - Kissaatigisamik allamut nuunnissamut allatsinneq.

  - Kina paarlaaqateqarusunnersoq Nuummi Iserit A/S-ip allaffeqarfianut takuniarneqarsinnaavoq.

   

  Inissiamik paarlaaqateqarnissamut immersugassaq UANIIPPOQ

  Kissaatigisamik nuunnissamut immersugassaq UANIIPPOQ

   

• Girokort

  Girokort-ip assilinera pineqarsinnaava?

  Aap, ineqarnermut akiliummut girokort-imik allamik nassinneqarnissaq ajornanngilaq. Girokort-imik allamik nassiussinermut akitsuut 75 kr.-eqarpoq.

• Akiliinermi

  Iserit A/S qanoq bankkontoqarpa suullu akiliinermi paasissutissat pisariaqartippisigit?

  Iserit A/S bankkontorivaa 8120-0003017370.

  Atit CPR normullu akiliinermi paasissutissatut allanneqarnissaannut pingaartipparput. Paasissutissat amigarpata kiap akiliutiginerai takusinnaanngilarput.

   

• Kollegiat aamma inuusuttunut inissiat

  Kollegianut inuusuttunulluunniit inissiamut qanoq allatsissinnaavunga?

  Una qinnuteqaat immersorneqassaaq uppernarsaatitullu atoqqusaasut (najugaqarsimanernut uppernarsaatit aamma ilinniarfeqarfigisimasanit uppernarsaatit) ilanngullugit utertillugu nassiuteqquneqarpoq uunga iserit@iserit.gl 

  Imaluunniit allakkatigut uunga:

  Iserit A/S
  Issortarfimmut 1B
  Postboks 1539
  3900 Nuuk

• Attaveqarnissamut paasissutissat

  Attavigineqarnissannut paasissutissat allanngorpata qanoq iliussaanga?

  Attaveqarnissamut paasissutissat, tassa najukkap, e-mailip, oqarasuaatip/mobilnormup allanngortinnerini nutarterneqarsinnaapput ‘Uanga quppernera’ aqqutigalugu.

  Imaluunniit e-mailikkut nassiussisoqarsinnaavoq uunga iserit@iserit.gl-imut imaluunniit ammanerata nalaani 36 30 00-imut sianerlutit.
• Sulinermut atatillugu inigisaq

  Sulininnut atatillugu inigisara nalinginnaasumik inigisatut qaqugukkut tigusinnaavara?

  Sulininnut atatillugu inigisat ukiuni tallimani najorsimagukku attartornermullu isumaqatigiissummi piumasaqaatit malissimallugit, sulininnut atatillugu inigisavit nalinginnaasumik attartugassatut tigunissaanut qinnuteqarsinnaavutit.

   

  Inigisap tigunissaanut qinnuteqaat nassiunneqassaaq uunga iserit@iserit.gl 

• Utaqqisut allattorsimaffiat

  Utaqqisut allattorsimaffiannut allatsineq akeqarpa?

  Aap, utaqqisut allattorsimaffiannut allatsineq 75 kr.-eqarpoq.

   

  
  Tamatuma kingorna utaqqisut allattorsimaffianiiginnarusulluni 75 kr.-imik akiliuteqarsimanermut uppernarsaat ukiut tamaasa nassiunneqartassaaq.

   

  Akiliuteqarsimanngikkaanni utaqqisut allattorsimaffianniikkunnaassaatit allatseqqikkusukkuillu utaqqisut allattorsimaffianni aallaqqaataaniissallutit.

• Inigisamit nuunnermi misissuiartorneq

  Inigisamit nuunnermi nuunnissaq sioqqullugu nakkutilliiartortitsisoqarsinnaava?

  Aap, tamanna ajornanngilaq.

  
  Taamaallaat attartukkap nuuffiginerani qaqugu misissortikkiartussanerlugu attartukkap taamaatinnera pillugu immersuininni allannissaa isumagiinnassavat.

• Nutsernermi naatsorsuusiornerit

  Qaqugu nutsernermi naatsorsuutit uannut tunngasut akilerneqassappat?

  Attartortitsisarnermut immikkoortortaqarfik nutsernermi naatsorsuutinik ilinnut tunngasunik suliaqartarpoq, inimik attartorsimasanni sanasut naammassippata suliaqarsimasuniillu akiligassat allagartaat tamaasa tiguneqareerpata nutsernermi naatsorsuutit naammassineqarsinnaassapput.

• Imermut kiassarnermullu naatsorsuutit

  Qaqugu imermut kiassarnermullu taarsiiffigitissaanga?
  

  Attartortunut:

  • Aningaasat pisassat saniatigullu akiligassat ineqarnermut akiliutip tullianut ilanngullugit naatsorsorneqarumaarput.

   

  Nuussimasunut:

  • Attartukkanniit nuussimaguit pisassavit tigunnginnerini akiitsut naatsorsorneqassapput.
• Imermut kiassarnermullu akileeqqusissut

  Imermut kiassanermullu akileeqqusissut naafferarlugu akilersorsinnaavara?
  

  Najugaqartunut:

  • Akiliisitsiniartarfik aqqutigalugu qaammatit pingasut angullugit naafferartumik akilersuinissamut aaqqissuussisoqarsinnaavoq.

  Nuussimasunut:

  • Akiliisitsiniartarfik aqqutigalugu qaammatit pingasut angullugit naafferartumik akilersuinissamut aaqqissuussisoqarsinnaavoq.