QANOQ INNIKKUT PINARTUNNGORTARPA?
Pinartoqartillugu ikiuukkiartorneq akisuvoq. Asuli aggersaanermi sanasumut akiligassaq najugaqartup akilissavaa. Pinartuunersoq nalinginnaasumilluunniit ammasarfinngornissaanut utaqqisinnaanersoq nalileruk.
Nukinginnartunut saaffiginniffissat
Teknikkikkut ingerlatatigut akornuteqartoqartillugu Iserit A/S-ip ammanerata nalaani oqarasuaat 36 30 00 attavigineqassaaq.
Iserit A/S-ip ammanerata avataatigut nakkutilliisut
oqarasuaataat 36 30 99 saaffigineqassaaq.
Saaffiginnissutit nukinginnartut ukuusinnaapput:
- Ingerlatami akornutigilikkat utaqqissunneqarsinnaanngitsut
- Teknikikkut atortuninngaanniit/atortorissaarutininngaaniillunniit toqussutaasinnaasumik naleqartumik ajoqusertoqarsimatillugu
- Illup ilaa atortulersuutillu ikkussukkat illumut aseruisinnaasumik ajoquteqartillugit
Aaqqissuussinermik atornerluisoqartillugu akiligassiisoqassaaq.
Matuersaatit
Matuersaatinik katatsisoqarsimaguni najugaqartup nammineerluni matuersaatinik parnaarsaammilluunniit nutaamik piniarlunilu akiliinissani isumagissavaa.
- Matu Security oqarasuaat: 34 99 99
- ES Sikring (Salto) oqarasuaat: 26 26 26