Utaqqisut allattorsimaffiat

Iserit A/S inissianut utaqqisut allattorsimaffiannut ilaasortanngortitsisarpoq aamma inissianut inigineqanngitsunut innersuussisarpoq, tak. inatsit atuuttoq Inissiat attartortittakkat pillugit Inatsisartut peqqussutaat 12. maj 2008-meersoq.

Utaqqisut allattorsimaffiata aqunneqarnera

Inissianut utaqqisut allattorsimaffii aamma innersuunneqartut tulleriiaarneqarneri Iserit A/S-imit aqunneqarput, tak. inissianik attartortarneq pillugu Inatsisartut peqqussutaanni malittarisassat.

Kapitali 2, § 5: Illuutini pigineqartuni inissiat inigineqanngitsut inissarsiortunut imatut tulleriinnilersuilluni innersuunneqartassapput, inissiat:

1. Iluarsaassinernut isaterinernullu atatillugu inisseeqqinnissamut atugassat.
2. Attartortunut iniminnik piginneqatigiilluni inissiatut pigisatulluunniit tiguserusunngitsunut.
3. Initaartinneqarnissamik siusinnerusukkut. qularnaveeqqusiivigineqarsimasunut eqquutsitsiniarluni innersuunneqartussat
4. Aapparisap toqukkut qimagaasup atorfimmut aalajangersimasumut inigitinneqartumik qimatsinissaanut atatillugu innersuussutigineqartussat.
5. Aapparisap toqukkut qimagaasup inimik innarluutilimmut immikkut aaqqissugaasumik tunniussaasimasumillu qimatsinissaanut atatillugu innersuussutigineqartussat.
6. Siunertanut aalajangersimasunut inniminnigaasut, tak. Imm. 3.
7. Sullissivinni sulisunut inissamut normumik atorneqanngitsumik pigisaqartunut atugassat.
8. Kommunet isumaginninnermi inissaqartitsinissaannut atugassat.
9. Nammineq kissaatigalugu nuunniartunut atugassat, tassunga ilanngullugu inigisanik paarlaannerit.
10. Utaqqisut allattorsimaffianni nalinginnaasumi allassimallutik inissarsiortunut atugassat.

Utaqqisut allattorsimaffianniittut siuliani tulleriinnilersuilluni taaneqartut malillugit pingaarnersiuisoqassaaq kingornalu piffissami allatsissimasut tulleriinneri malillugit.

Qinnuteqartut pingaarnersiugaaneri amerlassusaat apeqqutaallutik ilaasortat ataasiakkaat utaqqisut allattorsimaffianniinnerat nikerarsinnaavoq aamma ima pisoqarsinnaavoq ilaasortat assersuutigalugu utaqqisut allattorsimaffianni nalinginnaasumiittut ilaasortanik pingaarnersiorneqarnerusunik allatsittoqaraangat utaqqisut allattorsimaffiannut uterteqqinneqarsinnaapput.

Utaqqisut allattorsimaffianni sumi inissisimallutit ujartorukku utaqqisut allattorsimaffiat tamaat isigalugu paasissutissinneqassaatit, taamaalillutit sumerpiaq inissisimanerlutit aamma qinnuteqartut pingaarnersiukkatut inissisimasut eqqarsaatigalugit paasissutissinneqassallutit. Tamanna ima paasisassaavoq, assersuutigalugu utaqqisut allattorsimaffiannut nalinginnaasumut qinnuteqartuuguit innersuunneqartutut qinnuteqartut tulleriinnerisa normuinit 1-9-mit normumik anginerusumik tunineqassaatit (ataaniittoq takuuk).

Ilaasortap utaqqisut allattorsimaffianni inissisimanera ilaasortap inissiamut qaqugu innersuunneqarnissaa naatsorsuutigineqarnersoq apeqqutaavoq. Aamma inissiat qimanneqartut taamaalillutillu inigineqarunnaartut amerlassusaat utaqqinerup sivisussusaanut sunniuteqartarpoq.

*Iserit A/S-mi sullitarivagut utaqqisuni allatsissimasut allattorsimaffii, innersuussinerillu inissianik. Taakku ingerlanneqarlutik inissianik attartortitsisarneq pillugu Inatsisartut peqqussutaat naapertorlugu.