Najugarisanninngaanniit nutsileruit suliniuterpaaluit eqqumaffigisassaassapput. Paasissutissat pingaarutillit nutsernermi pileriartornerit takussutissatut ataani allaqqapput.
• Attartorneqartoq kiisalu kollegiat inuusutullu inaataannik taamaatitsineq
• Inissiat attartorneqartut taamaatsinnissaanut kalerriut
• Qularnaveeqqusiissut
• Innaallagiaq, imeq kiassarnerlu
• Nutsernermi misissuineq
• Nutsernermi naatsorsuusiorneq
Attartorneqartoq kiisalu kollegiat inuusutullu inaataannik taamaatitsineq
Attartorneqartoq imaluunniit kollegiat inuusutullu inaataat taamaatsinnissaanut kissaateqaruit, immersugassaq Inissiamik attartorunnaarneq immersoriarlugu una aqqutigalugu ingerlateqqissavat iserit@iserit.gl
Inissiat attartorneqartut taamaatsinnissaanut kalerriut
Taamaatitsinissamik kalerriussisoqassaaq qaammat naatseriarlugu, qaammammik ataatsimik ilaqqillugu.
Assersuutigalugu juunip qaammataani attartukkat unitsinniarlugu nalunaaruteqarsimaguit, taava august-ip aallaqqataa aallarnerfigalugu taamaatsinneq atuutilersinneqassaaq.
Taamaatitsinissamik kalerriutaasoq qaangiutsinnissaata tungaanut, ineqarnermut akiligassaq akilersussavat, atuinermilu aningaasartuutigineqartartut allat aamma ilanngullugit.
Qularnaveeqqusiissut
Nutsilernermi pisussaaffigitinneqartut attartortumut isumannaallisaassutaapput isertinneqarsimasut qularnaveeqqusiissumminngaanniit.
Attartugaq iluarsaanissaanut immikkoortinneqartarpoq qularnaveqqusiissut. Iluarsaanissamullu tamakkiisumik qularnaveeqqusiissut atorneqassanngikkaangami, nutsernermi naatsorsuutinut sinneri naatsorsuunneqartarput.
Innaallagiaq, imeq kiassarnerlu
Kiassarnermut, imermut innaallagiamullu akiliissaatit inigisamiit qimagutsinnak.
Kiassarnermut, imermut, innaallagiamullu inaarsaanermi atuaanerit Iserit A/S-i Inspektør-iata isumagissavaa nutsernermi misissuinerminut atatillugu, tamannalu pillugu Nukissiorfiit tullinnguunneqassaaq paasitinneqarluni, taamaattumik illit taamaatittissanngilatit .
Inigisaq qimallugu nuunnermi nakkutilliineq
Attartorunnaarnerup kingorna attartugaq qimallugu nuunnermi nakkutilliinissaq ulloq sorleq pissanersoq pillugu allakkamik/mailimik pissarsiumaarputit. Inigisap qimannerani nakkutilliineq attartukkami pisussaavoq, aamma Iserit A/S-imi Ininik nakkutilliisoq illit peqatigalutit nakkutilliineq ingerlanneqassaaq. Nakkutilliisoq nakkutilliiartornerminit nalunaarusiussaaq taannalu illuatungeriinnit (tassa nakkutilliisumit nuuttumillu) atsiorneqassaaq. Nuuttoq inigisap qimannerani nakkutilliinermi peqataasinnaanngikkuni pisinnaatitsinikkut inigisap nakkutiginerani inuk alla peqataatissinnaavaa.
Nuunnermi attartukkavit iserternertut nalinginnaasumik qanoq iluarsaanneqarnerata paasisimasaqarfiginissaanut periarfissaqarputit, suliarlu sanasut suliaattut eqqortumik suliarineqassaaq, periarfissatullu suliaq nuunnerup kingorna Iserit A/S-imit aallartisarneqassaaq, taamaalillunilu tamatumunnga aningaasartuutit qularnaveeqqummik akiliutigisannit akilerneqassalluni.
Illit nammineerlutit iserternertut inigisavit qimannerani nalinginnaasumik iluarsartuunniarukku, suliap suliarineqarnera, atortussat suussanersut il. il. Iserit A/S-imi nalinginnaasumik atoqqusaasutut aalajangersakkat malillugit suliarineqarnissaa eqqumaffigiinnassavat.
Malugiuk: attartortutut attartornerup nalaani aserfallatsaaliinissamut pisussaaffik malissimanngikkaanni, attartugaq sumiginnarneqarsimasutut isigineqassaaq, taamaammat nuunnermi ilanngaatiginissaanut pisinnaatitaaffeqarfigineqarani, tak. Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq § 78.
Nutsernermi naatsorsuusiornerit
Noreersimatsiareeruit najugarisaq iluarsarneqassaaq, taassumalu kingorna naatsorsuusiornerup inaarutaa suliarineqarsinnaalissaaq akiligassat utaqqineqartut Iserit A/S-minngaanniit tiguneqareerunik inissianik suliaqartuninngaanniit il.il.. Akiligassanngorsimanersoq imaluunniit taarsiissutaassanersorluunniit takuneqarsinnaalissaaq nutsernermi naatsorsuusiornermi. Bankkonto-nut nalinga ikineqarumaarpoq taarsiivigitissaguit. Akiligassaappatalu, ullut 30-it iluani akilerneqareersimassallutik.
Qaammat ataaseq pingasulluunniit ingerlasinnaasarnera naatsorsuutigissavat, nutsernermi naatsorsuusiornerup inaarutaanik tigusaqarnissannut atatillugu.
