Errorsivimmik, erruivimmik panersiivimmillu ikkussineq
Ininni errorsivimmik, erruivimmik imaluunniit panersiivimmik ikkussitinnak malittarisassaqarpoq eqqumaffigisariaqakkannik.
Attartortutut nammineerlutit ikkussueqqusaanngilatit. Kukkusumik ikkussineq erngup innarliineranik ajoqusiinermillu kinguneqarsinnaavoq - ajorluinnartumillu pisoqartillugu inissiamik attartukkamik atorunnaarsitsinermik kiisalu iluarsartuussinissamut aningaasartuutinut akiliisariaqalernermik kinguneqarsinnaavoq.
Taamaammat malittarisassat makku atuupput:
-
Suliamik ilisimasalik ikkussuissaaq - aningaasartuutit attartortutut nammineq akilissavatit.
-
Iserit A/S-imut akuersissummik qinnuteqaqqaassaatit
– Atortorissaarutinik ikkussuinissamut qinnuteqaat immersussavat
Apeqqutissaqaruit attaveqarnissannut tikilluaqqusaajuarputit.
