Iserit A/S pillugu
Iserit A/S ingerlatseqatigiiffiuvoq 100%-mik Kommuneqarfik Sermersuumit pigineqartoq. Nuummi, Paamiuni, Tasiilami, Ittoqqortoormiini illoqarfiillu taakku nunaqarfiini inissiat attartortakkat 2.500-t missaanniittut aqutaraagut – taamatuttaarlu kommunimi nutaanik inissialiornissaq akisussaaffigaarput.
Innuttaasut toqqissisimanartunik, ullutsinnut naleqquttunik piujuartitsinermillu tunngavilimmik sanaartukkanik inissiaqartinnissaat anguniagaraarput. Kommunip inissianut politikkikkut anguniagai taperserlugit inissiaqarfinnik tamanik inissaqartitsisunik inuillu qaqugumorsuaq ilorrisimaarfigisinnaasaannik pilersitseqataarusuppugut.
Naleqartitavut ilisarnaaterpullu
Taaguut Iserit suliatsinni naleqartitatsinnut naleqquppoq, tikilluaqqusinermik, qanilaarnermik ammasuunermillu isumaqarmat.
Ilisarnaatitsinni tamanna erserpoq, tassami ilisarnaaterput assigiinngitsunik paasineqarsinnaagami naqinnertut i-tut, arsarnertut imaluunniit illup illersorneqartup sinaakkutaatut isigineqarsinnaavoq.
Attartortut iluarisimaarinnilluarput
Attartortutta tatiginnillutillu iluarisimaarinninnerat tulluusimaarutigaarput. Nalilersuinerni makku pitsaasutut maluginiarneqarnerpaapput:
- Inissiat pitsaassusaat, inissisimaffiat angissusaallu
- Inissiaqarfinni kiffartuussineq pitsaasoq (eqqiaaneq, eqqagassalerineq, aputaajaaneq)
- Attartornermut akiliut naapertuuttoq
- Iserit A/S-imut attaveqarneq ajornaatsoq attaviillu oqaloqatigiuminartut
Tamanna inissianik kiffartuussinermillu pitsaasumik ingerlatsiinnarnissatsinnut pisussaaffiliivoq.
Matumani attartortut iluarisimaarinninnerat pillugu misissuinerit kingulliit paasisaqarfigisinnaavatit:
